QURBAN BAYRAMININ TARİXİNDƏN.Bir gecə Həzrəti İbrahim yuxusunda gördü ki, oğlu İsmayılı qurban verir. Səhər ayıldıqda bu yuxuya çox da əhəmiyyət vermədi. Növbəti gecə də eyni yuxunu gördü. Nəhayət, üçüncü gecə də eyni yuxunu gördükdə bu işin İLAHİ bir əmr olduğunu başa düşüb, bu əmri yerinə yetirmək üçün yola çıxdı. Yolda şeytan onu fikirindən daşındırmağa çalışsa da bir şeyə nail ola bilmədi. Həzrəti İbrahim Məkkə vadisinə oğlu İsmayılı tapdı və dedi:- Oğlum, ip və bıçaq götür, ardımca gəl. Həzrəti İsmayıl o saat atasının dediklərini götürdü və onun ardınca getdi. Onlar getdikdən sonra şeytan Həzrəti Həcərin yanına gəldi və dedi:-Ey Həcər, yazıqlar olsun sənə, atası İsmayılı qurban kəsmək üçün aparır.Tez ol bu işin qarşısını al.Həzrəti Həcər:-Əgər bu iş ALLAHIN əmridirsə, yerinə yetirilməlidir- dedi və şeytanı qovdu.Şeytan Həzrəti Həcəri də yoldan çıxara bilməyəcəyinə inandan sonra kiçik İsmayılı ələ almağa çaışdı. Atasının ardınca ağı r - ağır gedən İsmayıla yaxınlaşdı və dedi:-Qəşəng bala, heç bilirsən atan səni hara aparır?- Odun toplamağa gedirik. - Odun toplamaq bəhanədir, atan səni aparır ki, başını kəssin.- Atam mənim başımı niyə kəsməlidir ki?-Çünki bunu ona ALLAH əmr etmişdir.- O halda ALLAH Təala nəyi əmr etmişsə, o da yerinə yetirilməlidir. Rəbbimizin əmrinə boyun əymək bizim borcumuzdur.- Şeytan İsmayıldan əl çəkmək istəmirdi. Nəhayət, balaca İsmayıl onun əlindən zara gəldi və daşlayıb qovdu. Onlar Mina dağına gəlib çıxdılar. Həzrəti İbrahim dayandı və oğluna dedi:- Oğlum, ALLAH Təala mənə səni qurban etməyi əmr etmişdir. Nə deyirsən, nə düşünürsən?Həzrəti İsmayıl heç-tərəddüd etmədi:-Ey ata, sənə nə əmr edildisə, onu da et. İnşallah, mənim səbr edənlərdən olduğumu görəcəksən.... Həzrəti İbrahim nə qədər çalışdısa da bıçaq kəsmədi. Bu vaxt “ALLAHU ƏKBƏR” səsləri eşitdi. Başını qaldıranda gördü ki, Həzrəti Cəbrayıl iri bir qoç gətirib gəlmişdir. Həzrəti Cəbrayıl ona dedi:-Ey İbrahim, sən verdiyin vədi yerinə yetirdin.ALLAH Təalanın bu sınağından da üzüağ çıxdın.Artıq bu uşağı incitmə. Al, ALLAH Təalanın göndərdiyi bu qoçu qurban kəs.Həzrəti İbrahim “Bismillahi Allahu Əkbər”- deyərək qoçu kəsdi. Həzrəti İsmayılın boğazının dərisini belə cızmayan bıçaq qoçun boğazını bir andaca üzdü.Tarixini dəqiq bilmədiyimiz bu hadisədən sonra hər il hicri-qəməri təqvimi ilə zilhiccə ayın 10-cu günündə bu “Qurban bayramını” keçirmək biz müsəlmanlara “İlahi” bir tapşırıq kimi buyurmuşdur.
|
|
- İndi blogda: 1
- Keçən ayın hiti: 839
- Dünənki hit: 13
- Bugünki hit: 5
- Ümumi hit: 7815
|
Salam sizə uğurlar və demək istəyirəm ki siz mənim saytımı yerləşdirə bilərsiz təşəkkürlər !!!
Oktyabr 28, 2007 18:47bir də ki mən sizi yeni açılmış catımıza dəvət edirəm buyurun ziyaret edin
http://some.azeriblog.com
chat1.azeriblog.com